புகழினி

May24, 2009

பதிவர்கள்..

Filed under: சமுகம் — pukalini @ 04:46

1.அவன் ஒரு கவிஞன். புலவன். பண்டிதன். இலக்கியம் அவன் இலட்சியம். கவிதை புனைவதில் கில்லாடி.படிப்பவர்களை சொக்க வைப்பதில் சூரன். கலியாணம் முடிந்து மூன்று வருடங்களுக்கு  பின்னர், இப்பொழுது தான் தெய்வ கடாட்சம் பட்டு தந்தையாக மாற சந்தர்ப்பம் வாய்த்துள்ளது. நேர்த்திக்  கடனடைக்க  பழனிக்கு  மொட்டை போடப் போன வழியில், குடும்பமே கூண்டோடு கைலாயம் போக, இவன் மட்டும் மிஞ்சினான். சாவீட்டில் ஒருத்தன் ” கவிஞரே உங்கள் குடும்ப சாவுக்கு ஒரு இரங்கல் பத்திரிகை அடிக்கப் போறோம் ஒரு இரங்கல் கவிதை எழுதித் தருகிறீர்களா?” என்று கேட்டான்.

2. குடும்பத்தில் ஒரே பையன். வயது 12 தான் ஆகுது. கிரிக்கெட் என்றால் உயிர். சச்சின் என்றால் உயிரையும் விடுவான். எப்பொழுதும் மட்டையும் கையுமாகத் தான் தரிசனம். தெருப் பையன்களுக்கு அவன் தான் டோனி.  என்ன நடந்ததோ? யார் கண் பட்டதோ? வைசூரி வந்து  மண்டையப் போட்டிட்டான். குடும்பத்தாரால் ஏற்றுக் கொள்ள முடியவில்லை. இந்த நேரம் பார்த்து ஐபில் கிரிக்கெட் போட்டிகள். பையனுக்கு பிடித்த கிரிக்கெட் ஆச்சே என்று செத்த இளம் பிரேதத்தின் முன் தொலைக்காட்சிப் பெட்டியை வைத்து போட்டிகளைப் பார்த்துக் கொண்டிருக்கிறார்கள்.

3.15 வயசு. 18 வயசுத் தோற்றம். சுண்டி இழுக்கும் அழகு. இமைக்க மறக்கும் இளமை. ஆட்டம்-பாட்டம் என்று ஒரே அட்டகாசம். ஆனால் இன்னமும் சின்னப் பிள்ளை மாதிரித் தான் நடத்தை. நாட்டியத்தில் தூள் கிளப்புவாள். பள்ளியில் ஆடுவதைப் பார்த்து ஒரு பாட்டுக்கு ஆடக் கேட்டார்கள். போனவள் திரும்பி  வரவில்லை. பிய்ந்து போனவளாக மருத்துவமனையில் கிடந்தாள். குருதிப் பெருக்கு நிற்கவில்லை. எத்தனை பேரோ? துக்கம் விசரிக்க வந்த ஒருவர் அன்னையிடம்  ‘நீங்களும் செம கட்டையாத் தானே இருக்கீங்க, ஒரு சீனுக்கு வாறிங்களா’ என்றான்.


நாட்டு நடப்பு இப்படித் தான் இருக்கு. அதுக்குள்ள மொழி, இனம், நம் சனம் என்று எவன் புத்தி தடுமாறிப் பிதற்றுவான். இணையத்தில் தமிழ் ஏற்றப் பட்டு வாழ வழி செய்தவர்கள் எல்லோரும் வாழ்வுக்கு வழிதேட, இணையத்தில் வந்த ஒன்றை சுட்டுட்டானாம். முன்னுக்கு குத்துறவனை விட பின்னால குனிய விட்டு குத்துகிறார்கள். தமிழின் இழவு கொண்டாடுவோம்.

Advertisements

1 Comment »

  1. அருமையான பதிவு.

    யாரும் திருந்துவார்கள் என்ற நம்பிக்கை மட்டுமில்லை.

    Comment by Joe — May27, 2009 @ 09:51


RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog at WordPress.com.

%d bloggers like this: